Əhməd Şahidov: “XXI əsrin ideal tələbəsi ifrat dini və şovinist ideyalardan uzaq olmalıdır” – FOTO

Ana Sayfa » Main » Əhməd Şahidov: “XXI əsrin ideal tələbəsi ifrat dini və şovinist ideyalardan uzaq olmalıdır” – FOTO

Ankarada keçirilən “Birinci beynəlxalq təhsil sosiologiyası simpoziumu”nda gənc alimin çıxışı marağa səbəb oldu

Xəbər verildiyi kimi, May ayının 10-da Türkiyənin Ankara şəhərində Ankara Universiteti rektorluğu, Atatürk Kültür Mərkəzi və Ankara Universiteti Təhsil Elmləri Fakültəsinin birgə təşkilatçılığı ilə “Birinci Beynəlxalq Təhsil Sosiologiyası Simpoziumu” öz işinə başlayıb.
Dünyanın ən qabaqcıl təhsil və elm müəssisələrindən tanınmış alim və sosioloqların iştirak etdiyi bu simpoziumda Maltadan dünya şöhrətli sosioloq, professor Peter Mayo, Almaniyanın Frayburq Universitetindən professor Uve H. Bittlingmayer, Almaniyanın Darmştat Texnik Universitetindən professor Beate Krais, Azərbaycandan akademik Səlahəddin Xəlilov və başqaları iştirak ediblər.
Azərbaycan nümayəndə heyətində Respublika Uşaq Təşkilatının sədri, millət vəkili Gülər Əhmədova, gənc alim, fəlsəfə doktoru Əhməd Şahidov, sosioloq Əbülfəz Süleymanlı, təhsil məsələləri üzrə mütəxəssis Cəsarət Valehov və digər şəxslər təmsil olunurdular. Simpoziumun açılışından sonra bölmələr üzrə məruzələr dinlənildi.
“XXI yüzyılın öğrencisi nasıl olmalıdır: Geleceğin öğrenci modeli” mövzusunda məruzə ilə çıxış edən fəlsəfə doktoru Əhməd Şahidov indiyə kimi mövcud təhsil sistemlərindən söhbət açmış, tarix boyu tətbiq edilən dini dərslərdən, Sovet təhsil sistemindən söhbət açmış, Avropadakı təhsil sistemi ilə Şərq təhsil ənənələrini müqayisə edərək, müsbət və mənfi tərəfləri qabartmışdır. Ə.Şahidovun sözlərinə görə, indiyə kimi heç bir təhsil sistemi ideal vətəndaş, ideal tələbə istehsal edə bilməmişdir. Bunun nəticəsidir ki, zaman-zaman müharibələrin, siyasi toqquşmaların, xaosun şahidi olmuşuq. Çıxışı zamanı yeni şagird, yeni tələbə, yeni vətəndaş yetişdirməyin yollarından danışan gənc alim özünəməxsus fikirləri ilə dinləyicilərin marağına səbəb olmuşdur. Onun sözlərinə görə, XXI əsrdə ideal vətəndaş yetişdirmək üçün ilk növbədə orta məktəbin ilk pillələrindən başlanmalı və şagirdlərə şovinist, qatı dini ideyalardan çox, bəşəri, dünyəvi duyğuları aşılamaq lazımdır: “Uşaqlarımızı şovinist və qatı dini təhsildən kənarda saxlamalıyıq. Amma bu heç də o demək deyil ki, yeni gələn nəslimiz milli köklərinə biganə yanaşmalı və Allahın buyurduqlarına əməl etməməlidirlər. Əsla. Hər bir insan öz kökünü, milli mənsubiyyətini, keçmişini gözəl bilməli və bu dəyərlərə bağlı olmalıdır. Dində nəzərdə tutulan fikirləri öz şəxsi həyatlarında təbliğ etməlidirlər ki, əxlaqlı, tərbiyəli olsunlar, valideynlərinə, böyüklərə hörmətlə yanaşsınlar, cəmiyyətdə nəyin pis, nəyin yaxşı olduğunu yaxşı başa düşsünlər. Amma bütün bunları fərd olaraq seçsinlər, özləri həyatda sərbəst şəkildə seçim edə bilsinlər. Onlara uşaq vaxtlarından hansısa dini ideyaları təbliğ etmək, dünyəvi təhsildən uzaq tutub, mədrəsə tipli məktəblərdə oxutmaq düzgün deyil. Biz cəmiyyətimiz üçün qatı dindarlar, mollalar deyil, əxlaqı, ibadəti, ruhu saf olan dünyəvi vətəndaşlar yetişdirməliyik.”
Qatı millətçilik ideyalarının məktəblərdə təbliğinə qarşı çıxan Əhməd Şahidov bunun sonda irqçilik və faşizmlə nəticələnə biləcəyindən danışdı. Çıxışının sonunda dinləyicilərin suallarını cavablandıran Ə.Şahidov simpoziumdakı uğurlu çıxışına görə, təşkilat komitəsi tərəfindən xüsusi sertifikatla təltif olunmuşdur.

 

News

Gakh State Puppet Theater presents “Good and Evil” at the “2+1” Theater Festival in Baku This mosque in Gakh collapses – Ahmad Shahidov raises issue about Garatala village mosque Ahmad Shahidov speaks about ways to resolve Nagorno-Karabakh conflict at a roundtable in London “Azerbaijan wants fair peace” – Ahmad Shahidov spoke at the international conference in Scotland Ahmad Shahidov spoke about the Nagorno-Karabakh conflict and its humanitarian consequences in UK Parliament A protest action was held in front of the Armenian Embassy in Warsaw under the slogan “Karabakh is Azerbaijan!” “Presidency in Non-Aligned Movement opens new opportunities for Azerbaijan” – Ahmad Shahidov spoke to Iran’s “Sahar” channel “The process of exchanging captives and hostages may take place soon” – Ahmad Shahidov “Konstantin Zatulin’s activity violates international law” – Ahmad Shahidov told to ARB24 Television The President’s statement “Karabakh is Azerbaijan!” has been discussed on Leader Television When will Azerbaijani hostages Dilgam Asgarov and Shahbaz Guliyev be exchanged? – Discussions on “ATV Actual” program How do we protect the national interests of Azerbaijan on international platforms? | “Day Overview” program | ARB TV The issues of Nagorno Karabakh conflict and Azerbaijani hostages were discussed at the international human rights conference in London Armenian separatist attempt at PACE was revealed on “Day Overview” program of ARB Television Armenian separatists’ attempt in PACE was prevented – protest against the “ombudsman” of so-called regime