“Heç bir deputatlığa namizədə inanmırıq, 20 ildir bizi aldadırlar” – İbaxlı kəndində maraqlı dialoq

112 saylı Qax seçki dairəsindən deputatlığa namizəd, tanınmış hüquq müdafiəçisi Əhməd Şahidov Qax rayonu İbaxlı kəndində olub və bir qrup kənd sakini ilə görüş keçirib. Kənd cimgəsində ayaqüstü söhbət zamanı İbaxlı kənd sakinləri qaz və suyun olmamasından gileylənib və 20 ildir ki, kəndin problemlərinin həll olunmadığını bildiriblər. Seçkidən-seçkiyə kəndə gələn deputata və ümumiyyətlə deputatlığa namizədlərə inanmadıqlarını deyən İbaxlı kəndinin sakinləri böyük inamsızlıq içində olduqlarını deyiblər.

Qeyd edək ki, Əhməd Şair oğlu ŞAHİDOV 1982-ci ildə Qax rayonunda anadan olub. Bakı Slavyan Universitetinin bakalavr, magistratura və aspirantura pillələrini bitirib. Filologiya üzrə Fəlsəfə Doktoru elmi dərəcəsini müdafiə edib. Daha sonra Moskva şəhərində Rusiya Federasiyası Prezidenti yanında Dövlət İdarəçilik Akademiyasının “Dövlət Hüququ” fakültəsini bitirib.

Azərbaycan Demokratiya və İnsan Haqları İnstitutunun direktoru, eyni zamanda Azərbaycanlı Əsir və Girovlarla bağlı Məlumat Mərkəzinin koordinatorudur. Dünyanın 65 ölkəsində beynəlxalq təşkilatlarda Azərbaycanın milli maraqları, Dağlıq Qarabağ münaqişəsi, azərbaycanlı əsir və girovlarla bağlı çoxsaylı çıxışlar edib.

Evlidir, 2 övladı var. Rus, ingilis dillərində sərbəst danışır.

www.shahidov.com/az

Bu yazını Facebookda şərh et