Çexiyanın paytaxtı Praqada Avropa Siyasi Birliyinin ilk iclası keçirilir.
İclasa dəvət olunmuş 44 Avropa ölkəsindən 43-ü liderlər səviyyəsində təmsil olunur.
May ayında Fransa prezidenti Emmanuel Makronun təklifi ilə keçirilən toplantıya 27 Avropa İttifaqı (Aİ) ölkəsi ilə yanaşı, Avropa qitəsindən də 17 ölkə dəvət olunmuşdu. Görüşə təkcə Rusiya və Belarus dəvət olunmadı.
Ukraynadakı müharibənin təsirlərinin müzakirə olunacağı bugünkü iclasda sülh və təhlükəsizlik, enerji, iqlim və iqtisadiyyatla bağlı sessiyalar keçiriləcək. Görüşdə liderlərin bir çox ikitərəfli görüşlər keçirməsi də planlaşdırılır.
Avropa Siyasi Birliyi Zirvəsi Avropa ölkələri üçün siyasi müzakirə forumu kimi fəaliyyət göstərməyi nəzərdə tutur. Zirvənin institusional struktura çevrilib-çevrilməyəcəyinə bugünkü iclasda qərar veriləcəyi gözlənilir. İclasın sonunda heç bir rəsmi açıqlama və ya qərarın qəbulu nəzərdə tutulmur.
Avropa Siyasi Birliyi çərçivəsində Türkiyə, Azərbaycan və Ermənistan liderləri bir araya gələrək regionda sülh və əməkdaşlıq məsələlərini müzakirə ediblər.
BengüTürk kanalına açıqlama verən Türkiyə Demokratiya və İnsan Haqları İnstitutunun rəhbəri Əhməd Şahidov Praqada Avropa Siyasi Birliyi çərçivəsində aparılan müzakirələrlə bağlı fikirlərini bölüşüb.
