ABŞ-ın paytaxtı Vaşinqton şəhərində Azərbaycan və Ermənistan xarici işlər nazirləri Ceyhun Bayramov və Ararat Mirzoyan arasında növbəti görüş keçirilib. ABŞ Dövlət Katibi Antoni Blinkenin iştirakı ilə keçirilən üçtərəfli görüşdə Azərbaycan və Ermənistan arasında sülh müqaviləsinin detalları müzakirə olunub.
Mövzu ilə bağlı Misirin nüfuzlu Al Qahera News kanalında növbəti maraqlı debat baş tutub. ABŞ-ın keçmiş prezidenti Donald Tramp`ın müşaviri, professor Gabriel Sawma, Ermənistandan Riçard Grigosian və Azərbaycandan siyasi şərhçi Əhməd Şahidovun iştirak etdiyi debatda Azərbaycan və Ermənistan sülh danışıqları üzrə fikir mübadiləsi aparılıb.
Əhməd Şahidov çıxışında Azərbaycan və Ermənistanın sülh müqaviləsi imzalamağa çox yaxın olduqları, lakin Ermənistanın zaman-zaman sərhəddə təxribatlar törədərək, bu prosesi əngəlləməyə çalışdığını bildirib. Debat tərəflərin qarşılıqlı fikir mübadiləsi ilə davam edib.
