Türkiyə prezidenti Rəcəb Tayyip Ərdoğan Rusiya lideri Vladimir Putinlə gündəmdə olan regional və qlobal məsələləri, həmçinin ikitərəfli əlaqələri müzakirə etmək üçün Rusiyanın sahil şəhəri Soçidə bir günlük işgüzar səfərdədir. Qlobal ərzaq böhranını yumşaltmağa kömək edən keçən ilki tarixi Qara dəniz taxıl müqaviləsinin bərpa edilməsi müzakirə edilən əsas məsələdir.
Bu ilin iyul ayında Rusiya Ukraynaya aid Qara dəniz limanlarından taxıl ixracını bərpa etməklə bağlı Türkiyə və BMT-nin vasitəçiliyi ilə 2022-ci ildə əldə edilən razılaşmadan birtərəfli qaydada iştirakını dayandırıb.
Moskva Rusiya taxılının ixrac edilə bilməsi ilə bağlı Qərbin öz üzərinə götürdüyü öhdəliklərini yerinə yetirməməsindən və Ukrayna taxılının ehtiyacı olan ölkələrə getməməsindən şikayətlənib. Bildirilir ki, ödənişlər, logistika və sığorta ilə bağlı tətbiq edilən məhdudiyyətlər Rusiya taxılının xarici ölkələrə göndərilməsinə mane olur.
Siyasi şərhçi Əhməd Şahidov ANews kanalına müsahibəsində Soçi sammitinin Türkiyə-Rusiya münasibətlərinə təsirlərini, dünya taxıl böhranını və Ukraynadakı müharibəni şərh edib.
